Cilokak Bermakna 1-13

 

[1/9/2024 13.12] Marolah Abu Akrom: Cilokak Bermakna (1)

Luweq-Luweq Ntan Syukur

Karya : Abu Akrom

Gudang belo leq papuq amat

Skeq saq solah andang bat

Bilang jelo luweq nikmat

Ndeq mentelah sampai kiamat

Timun odaq kance ketujur

Mlet gamaq bait leq Sikur

Lamun cket pade syukur 

Selamet lemaq leq alam kubur

Jaring mpaq leq Sumbawa

Dendeq lupaq jauq karung

Saking luweq saq pade terima

Nikmat Allah ndeq bau hitung

Dedare inges muen puteq

Solah laloq luweq saq mele

Diantara nikmat saq bleq

Nikmat iman leq dalam ate

Luweq Batur demen pelalah

Aru-aru raun isiq nyampah

Care syukur Alhamdulillah 

Kadu nikmat untuk ibadah 

Bekasi, 27 Shafar 1446 H/1 September 2024 M

[3/9/2024 16.14] Marolah Abu Akrom: Cilokak Bermakna (2)

In sya Allah Araq Jalan

Karya : Abu Akrom 

Piyaq permen leq Sambelie

Ndaq pade lupaq ojoq ite

Saq aren irup leq alam dunie

Araq Bae ujian manusie

Bateq pelungguh dalam lemari

Isiq kadu goroq korban sampi 

Dendeq ngeluh dait emosi

In sya Allah araq solusi

Kereng telekung leq musolla

Dendeq beng dengan jogang

Ngendeng tulung Allah Ta'ala

Melalui sabar dait sembahyang 

Daun mawar melayang-layang

Pade terbang jangke bian 

Lamun sabar dait sembahyang 

Ate tenang ndeq jari pikiran

Limbah jaraq leq papuq tuan

Jari masalah leq kehidupan 

In sya Allah araq jalan

Menghadapi segale kesulitan

[7/9/2024 07.50] Marolah Abu Akrom: Cilokak Bermakna (3)

Dendeq Girang Talo Ate

Karya : Abu Akrom

Luweq priye leq Wanesabe

Lalo bait nane kance side

Lek antare penyakit bahaye

Talo ate leq dalam ate

Lamun lalo ojok andang bat

Dendeq pisah kance tuaq Amat

Lamun talo ate jari sifat 

Ate gelisah ndeq maiq irat 

Gdeng piyaq jangke lelah

Oleq lemaq solen nganjeng

Senang gitaq dengan susah

Susah gitaq dengan seneng

Leq Batujai araq dedare

Muen halus luweq beraye

Sai-sai girang talo ate 

Amal hangus ndeq araq pahale 

Berugaq belo araq due

Dendeq lupaq kadu mufakat

Silaq jaoang talo ate nane

Adeq selamet eraq le akhirat 

Bekasi, 3 Rabiul Awwal 1446 H/7 September 2024 M

[7/9/2024 09.25] Marolah Abu Akrom: Cilokak Bermakna (4)

Tepade Rukun

Karya : Abu Akrom 

Jauq sebiye dait buaq paoq

Beli nane leq desa Sembalun

Selapuq manusie leq mbe taoq

Sebenarne melen pade rukun

Baduq soang leq Damarate

Ndaq jauang isiq lalo ngarat

Laguq araq doang piyaq perkare

Nyedaq kerukunan leq masyarakat 

Dengan Penede aten pade solah

Saling tulung selame awaq sehat 

Hubungan sede jari masalah 

Saling wade ndeq araq hormat

Sampun side jenguk papuq

Sakit asam urat unin nane

Lamun tepade rukun selapuq

Maiq irat irup leq dunie

Sirup side araq leq kokoq

Becat gitaq keluweq baluq

Irup rukun ate besopoq 

Saling cinta sayang selapuq

Bekasi, 3 Rabiul Awwal 1446 H/7 September 2024 M

[9/9/2024 17.02] Marolah Abu Akrom: Cilokak Bermakna (5)

Apiq-Apiq Ntan Muni

Karya : Abu Akrom

Bembeq tuan warnen polos

Tukang awis araq siwaq

Luweq dengan demen ngeraos

Kadang ndeq pikiran raos saq knaq

Owat belian araq leq bos

Ngendeng tulung bait Isiq side

Akibat dengan salaq raos

Luweq Batur tersinggung ate

Raun pindang romboq balung 

Jari berkah unin inaq rari

Lamun dengan wah tersinggung

Jari masalah sekat teperiri

Buaq melon dalam lemari

Isiq mangan leq Senggigi 

Karena itu semeton jari

Apiq-apiq ntan temuni

Tolang kedele leq atas bare

Jari bahan piyaq tahu tempe 

Mulai nane teberusahe

Ngeraos bagus saq araq gune

Jakarta, 5 Rabiul Awal 1446 H/9 September 2024 M

[10/9/2024 17.18] Marolah Abu Akrom: Cilokak Bermakna (6)

Dendeq Gibah Leq Dunie 

Karya : Abu Akrom 

Komaq luweq leq terare

Lelah teansuh kance side

Salaq sekeq penyakit ate

Gibah aren leq alam dunie

Tabah gati lewat leq kubur

Onyaq-onyaq dendeq takut

Gibah arti teraosang batur

Hal saq lenge dait ndeq patut

Ambun pindang leq atas kasur

Pindang side araq lime

Lamun girang raosang batur

Romboq dose nyedaq pahale

Bait kasidah oleq dedare

Solah awaq dait inges ruwe

Penyakit gibah wah merajalele 

Seolah-olah wah jari budaye

Pinaq sembeq kadu kemangi

Adeq molah becat pelai

Silaq nyerepeq periri diri

Dendeq gibah ojoq kadang jari

Jakarta, 6 Rabiul Awal 1446 H/10 September 2026 M

[14/9/2024 18.53] Marolah Abu Akrom: Cilokak Bermakna (7)

Nabi Muhammad Jari Teladan 

Karya : Abu Akrom 

Bakat side unin tuaq Hamid

Becat beroat leq dokter Maroan

Saat nane musim Maulid 

Muhammad nabi akhir zaman 

Ojoq kokoq leq seri lambah

Apiq-apiq luweq langan lolat

Acare pokok terengah ceramah

Hikmah maulid untuk selapuq umat

Periri kemah leq Batukeliang

Jauq kawat dait bendere

Inti ceramah saq tesampeang

Riwayat lahir Nabi luar biase

Barang solah berupa besi

Jari jembatan kuat dait belo

Tesampeang endah sifat Nabi

Jari teladan setiap jelo

Daun leq julu becatan periri 

Adeq saq solah semeton jari

Lamun ikuti teladan Nabi

Irup mulie berkah terpuji

Bekasi, 11 Rabiul Awwal 1446 H/14 September 2024 H

[13/11/2024 08.40] Marolah Abu Akrom: Kalam TGB Dr. KH. M. Zainul Majdi, MA (1) "Fungsi Masjid"

Karya : Abu Akrom 

TGB pada saat pengajian

Di masjid Jogokaryan menyampaikan 

Fungsi masjid sebagai pembinaan

Membangun aneka peradaban  

Hal itu sesuai yang dilakukan 

Nabi Muhammad nabi teladan

Membina sahabat kepada jalan

Keimanan dan ketaqwaan

Masjid tempat pengkaderan 

Untuk dapat melahirkan 

Generasi cerdas yang militan

Terbentuknya kemandirian

Masjid tempat pembelajaran 

Ilmu-ilmu yang dibutuhkan 

Untuk kebaikan dan keselamatan

Dalam hidup dan kehidupan 

Masjid wadah membicarakan 

Berbagai masalah keumatan

Mencari solusi dan pemecahan 

Agar terbebas dari keburukan 

Jakarta, 11 Jumadil Awal 1446 H/13 November 2024 M

[4/12/2024 22.49] Marolah Abu Akrom: Cilokak Bermakna (9)

Dendeq Saling Menghine

Karya : Abu Akrom 

Skeq doang paling inges ruwe

Nane bekeq dateng bareng side

Dendeq girang saling menghine 

Selame iruf leq atas dunie

Periri barang leq dese Priye

Beli sirup jari inem nane

Sai-sai girang menghine

Pasti irup jari terhine

Bleq Langan ojoq Suwete

Pade midang ojok dedare

Luweq dengan jari celake 

Gare-gare girang menghine

Lampaq entan ojoq Batu Jai

Dendeq lupaq jauq sambel terasi

Silaq irup saling menghargai

Adeq saq hubungan jari harmoni 

Timaq luweq terune leq kote

Skeq paling ganteng ruwe

Jagaq elaq dendeq menghine

Leq akhirat pasti tame surge

Bekasi, 3 Jumadil Akhir 1446 H/4 Desember 2024 M

[13/12/2024 16.37] Marolah Abu Akrom: Cilokak Bermakna (10)

Suare Azan Jari Penande 

Karya : Abu Akrom

Terune idaman leq lowang Bajo

Pete palu lemaq saq solah

Suare azan araq bilang jelo

Lime waktu daraq mentelah

Jangke biyan periri honde

Kadang perlu kance inaq tuan 

Suare azan jari penande

Sembahyang fardhu tenyembah Tuhan

Sampun goreng tune jangke bian

Pade lelah ndeq keruan

Lamun dateng suare azan 

Pade mentelah dendeq begawean 

Berat barang oleq side 

Jari titipan amaq kake

Becat sembahyang dendeq lale

Jari kewajiban ite pade

Oleq timuq bat saling pandang

Lelah irat kance kakak ipar

Manfaat rajin pade sembahyang 

Cegah sifat keji dait mungkar 

Jakarta, 10 Jumadil Akhir 1446 H/13 Desember 2024 M

[21/1 10.28] Marolah Abu Akrom: Cilokak Bermakna (12)

Syekh Zainuddin Waliyullah

Karya : Abu Akrom

Dendeq oloq Amaq Bolah

Bareh tebilin kance ruwan side

Leq Lombok araq waliyullah 

Syekh Zainuddin Pahlawan Bangse

Mele tiup teh panas unin

Taoq saq galang kence side

Selame irup Syekh Zainuddin 

Terus berjuang bele agame

Makam pejuang leq Dasa Luah

Jarang lalo lampaq ndeq kuat

Dalam berjuang ndeq mentelah

Bilang jelo ngajahan umat

Salam bagian ajaran agame

Silaq amalan pacu-pacu

Dalam pengajian girang bebase

Kompak, utuh dan bersatu

Baun piyaq tiye lemaq aru

Jari raum klemaq jam baluq

Lamun kompak, utuh, bersatu

Pasti rukun, aman selapuq

Bekasi, 20 Rajab 1446 H/20 Januari 2025 M

[17/2 09.59] Marolah Abu Akrom: Cilokak Bermakna (13)

Irup Mesti Seimbang 

Karya : Abu Akrom

Raun tempe musim lebaran

Nasi pindang leq Buaran

Lamun mele irup aman

Mesti seimbang kebutuhan

Lemaq side ojoq Ampenan

Tuan Harapandi saq dampingi

Araq due macam kebutuhan 

Kebutuhan jasmani dait rohani

Leq bulan haji tebedait

Langan bawaq kadu dile malem 

Kebutuhan jasmani terkait

Kebutuhan awaq maraq mangan nginem

Wiq bian Amaq Rari Amit

Dengan rajin boyaq gabah

Kebutuhan rohani terkait 

Kebutuhan batin maraq zikrullah 

Siwaq benang leq atas bare

Dendeq inget brembe ruwe

Silaq seimbang irup leq dunie

Adeq selamet jiwa dait rage

Bekasi, 17 Sya'ban 1446 H/16 Februari 2025 M

[17/5 15.43] Marolah Abu Akrom: Penjabaran Hymne Acprilesma 

Kami Sucikan Pikiran 

Karya : Abu Akrom 

Kami sucikan pikiran 

Dari pikiran yang tak dibenarkan 

Pikiran salah yang menyesatkan

Merusak tatanan kehidupan 

Pikiran suci melahirkan 

Ide cemerlang yang memajukan

Laboratorium lembaga pendidikan 

Berprestasi dan membanggakan

Pikiran suci mewujudkan 

Ide kreatif untuk kebaikan 

Para generasi masa depan

Sesuai ilmu dan keahlian

Pikiran suci mencerdaskan

Dengan berbagai model pembelajaran 

Sesuai dengan perkembangan zaman

Era teknologi yang memudahkan

Pikiran suci mengutamakan 

Berbagai macam perbaikan

Sistem dalam pelayanan 

Sarana prasarana yang dibutuhkan 

Bekasi, 19 Dzulqa'idah 1446 H/17 Mei 2025 M